15:26, 21 мая 2019, 24.kg
Телевизорлорду аткезчилик жол менен ташып бара жаткандар кармалды
Ош облусунда LG үлгүсүндөгү телевизорлорду аткезчилик жол менен ташып бара жаткандар кармалды. Бул тууралуу бажы кызматынан билдиришти.
Маалыматка ылайык, бажы кызматкерлери «Мерседес-Бенц» үлгүсүндөгү унааны токтотуп текшерүүгө алышкан. Анда 151 даана телевизор табылган. Товар бажы мыйзамдарын бузуу жолу менен алынып келинген.
«Айдоочу товардын тиешелүү документтерин көрсөтө алган жок. Товардын жалпы баасы 3 миллион 242,5 миң сомду түздү», -деп айтылат маалыматта.
0
