10:43, 13 мая 2019, 24.kg
Бишкекте каракчылыкка шектүү делген 5 жаран кармалды
Бишкектин Свердлов райондук ИИБсы каракчылыкка шектүү делген 5 жаранды кармады. Бул тууралуу Бишкек ШИИББдан билдиришти.
Маалыматка ылайык, 19-апрелде РИИБга Пакистандын жараны арыз менен кайрылган. Ал Абдрахманов менен Линейная көчөсүнүн кесилишинен белгисиз бирөөлөр бычак менен коркутуп 3 миң 400 сомун, саатын жана телефонун алып кетишкен жарандарга карата чара көрүүнү суранган.
«Ушундай эле каракчылык менен кол салууну шектүүлөр 29-апрелде да жасашкан. Жибек Жолу проспектиси менен Керимов көчөсүнүн кесилишинен алар күч колдонуп жабырлануучунун телефонун тартып алышкан. Шектүү катары 5 жаран кармалып, убактылуу кармоочу жайга киргизилди», -деп билдиришти ШИИББдан.
0
