16:44, 07 мая 2019, 24.kg
Алтынбек Сулайманов Жалил Атамбаевди «Азаттык» менен соттошпоого көндүрдү
Ишкер Жалил Атамбаевдин «Азаттыктын» журналисти Ыдырыс Исаковго каршы доо арызын кайтарып алууга Жогорку Кеңештин депутаты Алтынбек Сулайманов себепкер болду. Бул тууралуу ал өзү инстаграм баракчасында билдирди.
Алтынбек Сулайманов буга чейин сөз эркиндигин жана Ыдырыс Исаковду колдорун айткан.
«Жалил Атамбаев менен жолугушуп, ал кишиге «сөз эркиндигин сот аркылуу муунтам дегениңиз туура эмес» деп айттым. Туура кабыл алды. Бүгүн доо арызын артка кайтарды. Бул коомчулуктан жана сөз эркиндигинин жеңиши деп эсептейм», — дейт Алтынбек Сулайманов.
Депутат Жанар Акаев жана бир катар журналисттер Алтынбек Сулаймановго эми Жалил Атамбаевди салыктарды төгүүгө көндүрүүгө чакырышты.
0
