Бишкектеги «Жал» кичирайонунда жаңы гүлбакча пайда болот
Бишкектеги «Жал» кичирайонунда Масалиев менен Тыналиев көчөлөрүнүн кесилишинде жаңы гүлбакча пайда болот. Бул тууралуу мэриядан билдиришти.
Маалыматка ылайык, Бишкек жашылдандыруу чарбасы ишке кирди.
Ишкананын кызматкерлери бак отургузуу үчүн алгач жерлерди түздөп чыгышууда. Гүлбакчага гүл өстүрүү үчүн жайлар даярдалып, газон төшөлөт. Мэриядан билдиришкендей, бул «Жалдагы» экинчи гүлбакча.
