16:40, 19 апреля 2019, 24.kg
Түркияда кыргыз кыздарды сойкулукка мажбурлагандар кармалды
Түркиянын Анкара шаарында полиция кызматкерлери 13 чет элдик кызды сойкулукка мажбурлап жүргөн адамдарды кармаган. Бул тууралуу haberler.com жазат.
Полициянын маалыматы боюнча, атайын операция 11 дарек боюнча жүргүзүлгөн. Анын жыйынтыгында 2 тапанча, 42 патрон, 17 телефон, планшет жана 10 миң 995 лира алынган.
Чет элдиктердин арасында 6 кыргызстандык, 4 өзбекстандык жана 3 казакстандык жаран болгон. Көрсөтмө берүү үчүн аларды полиция бөлүмүнө алып кетишкен.
0
