Германиядагы кыргыздар президенттен түз аба каттамын ачууну суранышты
Мюнхен шаарында Сороонбай Жээнбеков Германияда окуп жана иштеп жаткан кыргызстандыктар менен жолугушту. Бул тууралуу өлкө башчысынын маалымат кызматы билдирет.
Анда мамлекет башчы жогорку деңгээлдеги жолугушуулардан тышкары мекендештер менен жолугушуу анын расмий визитинин негизги максаттарынын бири экенин белгиледи.
Маалыматка караганда, Германиядагы мекендештер мамлекет башчысына негизинен виза, билим берүү, саламаттык сактоо, улуттук маданиятты, адабиятты, инвестицияларды тартуу, Кыргызстандагы инвестициялык климатты жакшыртуу, айыл чарбасын өнүктүрүү, «Мекен карт» долбоору, Кыргызстан менен Германия ортосундагы эки тараптуу мамилелерди күчөтүү, эки өлкө ортосунда түз каттамды ачуу маселелерине байланыштуу суроолорду беришти.
Белгилей кетсек, бүгүн Сооронбай Жээнбеков Берлин шаарында жолугушууларды өткөрөт.
