17:47, 15 апреля 2019, 24.kg
Кыргызстанда 174 миң адам жумушсуз
Кыргызстанда 174 миң адам жумушсуз. Бул тууралуу Эмгек жана социалдык өнүгүү министри Улукбек Кочкоров Жогорку Кеңештин бюджет жана финансы боюнча комитетинин жыйынында билдирди.
Анын айтымында, жумушсуз катары расмий каттоодо тургандар 70 миң 900 адам. Ал эми Улуттук статистика комитетиндеги маалыматтарды кошкондо алардын саны 174 миң адамга жетет.
Кочкоров министрликке жыл сайын өлкөдө жакырчылыкты бир пайызга азайтуу боюнча милдеттенме жүктөлгөнүн жана ал үчүн атайын улуттук долбоор иштелип чыкканын билдирди. Министр бул долбоор жумушсуздукту азайтаарын айтты.
0
