2018-жылы ички дүң өндүрүм 3,5 пайызга өстү
2018-жылы ички дүң өндүрүм 3,5 пайызга өстү. Бул тууралуу премьер-министр Мухаммедкалый Абылгазиев Жогорку Кеңештин парламенттик көпчүлүк коалициясынын жыйынында өкмөттүн 2018-жылдагы ишмердүүлүгү жөнүндө отчету каралып жаткан учурда билдирди.
Өкмөт башчы Мухаммедкалый Абылгазиев белгилегендей, өсүш төмөнкү тармактар аркылуу камсыз кылынган: курулушта 7,8 пайыз, өнөр жайында 5,5пайыз, айыл чарбасында 2,7 пайыз, кызмат көрсөтүү чөйрөсүндө 2,1 пайыз өсүш катталган.
«Тышкы карыздын үлүшү ИДПга карата 53,1%дан 48%га түшүрүлдү. Баса белгилей кетсек, макроэкономикалык туруктуулук биринчи жолу чет элдик жардамдардын же сырттан келген финансылык каражаттардын эсебинен эмес, өзүбүздүн колдо болгон бардык ресурстарды иштетүүнүн жана мамлекеттик ашыкча чыгымдарды кыскартуунун эсебинен жетишилген», — деди Мухаммедкалый Абылгазиев.
