10:33, 08 апреля 2019, 24.kg
Лейлек районунда сел жүрүп, ички чарбалык унаа жолдор жабыркады
Баткен облусуна караштуу Лейлек районунда сел жүрүп, ички чарбалык унаа жолдор жабыркады. Бул тууралуу ӨКМдан билдиришти.
Маалыматка ылайык, Ак-Суу айыл аймагында 5-апрелде саат 21:30 чамасында катуу жааган жамгырдын кесепетинен Ак-Суу сайынан сел жүрүп, анын кесепетинен Ак-Суу айылынан Жеңиш айылына баруучу ички чарбалык унаа жолдун 3000 метр аралыгын ылай суулар каптап, 2600 метр ички чарбалык арыгын толтурган. Турак үйлөргө зыян келтирилген эмес.
Жерине Ак-Суу айыл аймагынан 1 экскаватор тартылган. 7-апрель күнү тартылган техниканын жардамында 3000 метр ички чарбалык унаа жолу толук тазаланган. Ал эми ички чарбалык арыктын 2000 метр аралыгы тазаланган. Тазалоо иштери бүгүн дагы улантылат.
0
