10:12, 29 марта 2019, 24.kg
Life: Кыргыздар Путинге жөн эле күчүк эмес, улуттук дөөлөтүн тартуулады
Орусиялык кинолог Виталий Орлов life порталына Владимир Путинге Бишкекте тартууланган күчүк боюнча оюн билдирди.
Ал тайган — акчага сатылбаган балуу ит экендигин белгилейт.
«Ал ит менен көргөзмөлөрдө жүрбөйт. Итти баккан адам эмне максатта, кандай ойдо кармаганын билет. Тайган — Тян Шань тоолорунан чыккан түр. Ал майда жандыктардан сырткары, карышкырга дагы тиш сала алат. Тайган өтө балуу жаныбар. Кыргызстан Орусиянын президентине өзүнүн улуттук дөөлөтүн тартуулады», — дейт ал.
Белгилей кетсек, кечээ Владимир Путиндин Бишкеке болгон мамлекеттик сапарында Сооронбай Жээнбеков ага тулпар жана тайгандын үч айлык күчүгүн тартуулады.
0
