Мэрия: Бишкекте 550 жол белгиси орнотулду
Жаздын келиши менен «Бишкекасфальтсервис» муниципалдык ишканасынын кызматкерлери жолдун инфратүзүмүн жаңыландырууда. Бул тууралуу мэриядан билдиришти.
Маалыматка караганда, Чыңгыз Айтматов, Чүй, Жибек Жолу проспектилеринде жана Курманжан Датка, Павлов, Анкара, Махатма Ганди, Боталиев, Рыскулов, Шопоков кѳчѳлѳрүндѳ жол белгилери орнотулуп, жол бетине түшүрүлдү.
Жалпы жонунан 850,2 чарчы метр жолго жол белгилери түшүрүлүп, 550 жол белгиси орнотулду. Мындан тышкары, А. Малдыбаев атындагы Опера жана балет театрынын айлана-чѳйрѳсүндѳ эски жээкташтар алынып, арыктар орнотулду.
