15:34, 26 марта 2019, 24.kg
Түркияда кыргыз кыз мурдакы жигитинин өлүмүнө айыпталууда
Түркияда кыргыз кыз мурдакы жигитинин өлүмүнө айыпталууда. Бул тууралуу 24.kg агенттигине Анкарадагы консул Чыңгыз Абдурахманов билдирди.
Анын айтымында, 21 жаштагы Г.М. аттуу кыз учурда Денизли шаарында абакта.
«Ал азыркы жигити экөө мурдакы жигитин машина менен сүзүп кетишкен. Кырсыкта ал жигит каза болгон. Экөө камакка алынды. Кыргыз кызына ден-соолукка атайын залака тийгизүү айыбы тагылды», — дейт ал.
Буга чейин 24.kg агенттигине кыздын апасы Түркияда официант болуп иштеген кызы менен байланыша албай жатканын айтып кайрылган. Г.М. Денизли шаарында официант болуп иштечү.
0
