11:09, 14 марта 2019, 24.kg
Кыргыз-орус мамилеси. Товар жүгүртүүнүн көлөмүн 2 миллиард долларга жеткиребиз
Кыргызстан менен Орусиянын мамилелери динамикалуу өнүгүп жатат. Бул тууралуу президент Сооронбай Жээнбеков элчилер менен болгон жолугушууда айтты.
Ал билдиргендей, мамлекет башчысы катары алгачкыиш сапарын Орусиядан баштаган.
«Аскердик-техникалык байланыш чөйрөсүндө иштер ийгиликтүү алдыга жылып жатат. Мындан ары биз соода-экономикалык байланышты бекемдеп, товар жүгүртүүнүн көлөмүн 2 миллиард долларга чейин жеткиребиз», -деди президент.
Эске салсак, 28-мартта Орусиянын президенти Владимир Путиндин Кыргызстанга иш сапары менен келүүсү күтүлүүдө. «Эки өлкөнүн кызыкчылыгына туура келген бир катар макулдашууларга кол коюлат деген ишенимдемин», -деп кошумчалады Сооронбай Жээнбеков.
0
