13:39, 12 марта 2019, 24.kg
Жалал-Абадда алгачкы жолу сүмөлөк фестивалы өткөрүлөт
Жалал-Абадда Нооруз майрамына карата 20-март күнү алгачкы жолу сүмөлөк фестивалы өткөрүлөт. Бул тууралуу Жалал-Абад шаардык мэриясынан билдиришти.
Маалыматка караганда, Курманбек стадионунда 40 казан асылып, сүмөлөк кайнатылат.
Шаардык маданият бөлүмүнүн башчысы Салтанат Асилбекованын айтымында, учурда иш-чаранын сценарийи түзүлүп, уюштуруу тобу тарабынан талкууланууда.
Кошумчалай кетсек, бул жылы жергиликтүү бюджеттен Нооруз майрамын өткөрүүгө 190 миң сом акча каражаты бөлүнгөн.
0
