11:14, 11 марта 2019, 24.kg
Эрнис Чоткараев административдик укук бузуулар тууралуу 1 350 ишти жок кылган
Октябрь райондук сотунун качып кеткен судьясы Эрнис Чоткараев административдик укук бузуулар тууралуу 1 миң 350 ишти жок кылган. Бул тууралуу 24.kg агенттигине жактоочу Майрамбек Жумабеков билдирди.
Айтымында, УКМК судья Кыргызстандан качып кеткенден кийин гана ишти козгоду.
«Жогорку соттун иликтөөсү көрсөткөндөй, Эрнис Чоткараев мас абалда унаа айдоо боюнча административдик иштерди жок кылган. Бул корутундуну Соттук департаменттин комиссиясы дагы тастыктады. Маалым болгондой, Эрнис Чоткараев жардамчыларын, катчыларын чакырып алып соттук отурумдарды ишемби күнү өткөрчү. Бул мыйзамсыз. Судья материалдардын жоголушун соттун архивин суу каптаганына байланыштырды, бирок эч кандай суу каптоо болгон эмес», -деди Майрамбек Жумабеков.
0
