12:02, 12 февраля 2019, 24.kg
Бурулай Турдалиеванын өлүмү боюнча иш шаардык сотто каралат
Бурулай Турдалиеванын өлүмү боюнча кылмыш иши шаардык сотто каралат. Ага Марс Бөдөшөв Свердлов райондук сотунун чечимине нараазы болуп кайрылды.
Эскерте кетсек, райондук сот Марс Бөдөшевди Кылмыш-жаза кодексинин 155-беренеси («Ала качуу») жана 97-беренеси («Киши өлтүрүү») боюнча 20 жылга күчөтүлгөн тартиптеги абакка кесип, үй-мүлкүн конфискациялоого өкүм чыгарган.
Анын досу Акмат Сейитов Кылмыш-жаза кодексинин 30-беренеси («Кылмыш кылууга көмөк көрсөтүү») боюнча 7 жылга эркинен ажыратылган.
Бурулай Турдаалы кызы быйыл 27-майда Жайыл райондук ички иштер бөлүмүндө өлтүрүлгөн. Чүй облустук ички иштер башкармалыгы аны ала качып бараткан жигит кармалгандан кийин милиция бөлүмүндө кызды бычактап, өзүнө да кол салганын билдирген.
0
