17:55, 05 февраля 2019, 24.kg
Чүйдө кайненесин бычак менен жарадар кылган аял эки жылга шарттуу кесилди
Чүй облусуна караштуу Аламүдүн райондук соту кайненесин бычак менен жарадар кылган аялды эки жылга шарттуу кести.
Маалыматка караганда, жабырлануучу келини бычак менен коркутуп сөккөнүн айткан. Мындан тышкары ага бычак менен мойнуна такаган.
«Бул убакта кайнене бычактын мизин колу менен кармап кыйкыра баштаган. Кошуналар келип урушуп жаткан аялдарды араң бөлүштүргөн. Соттук-медициналык экспертиза жабырлануучу жеңил жаракат алган деген жыйынтык чыгарды», -деп жазылат өкүмдө.
0
