09:18, 01 февраля 2019, 24.kg
Ок атышуу. Аскат Үсөнов менен Дастан Бейшенкулов тергөө абагына киргизилет
Токмок шаарында болгон от атышуу окуясынын катышуучулары Аскат Үсөнов менен Дастан Бейшенкуловду Бишкектеги № 1 тергөө абагына киргизишет. Бул тууралуу 24.kg агенттигине жактоочу Алтын Бектурова билдирди.
Айтымында, мындай чечимди сот кабыл алды. Аскат Үсөновго бейбаштык айыбы тагылууда. Дастан Бейшенкуловго адам өмүрүнө кол салуу, пара талап кылуу жана чоочун мүлктү жок кылуу айыбы тагылды.
Эске салсак, 25-январда Токмок шаарына жакын жерде ок атышуу болгон. Чүй ОИИБсы окуяны болгон жок деп четке кагууга аракет кылган. Бирок, 29-январда болгон маалымат жыйында ведомствонун башчысы Самат Курманкулов окуянын болгонун, аны алгач ЖМК өкүлдөрү айтып чыкканын мойнуна алган.
0
