09:20, 29 января 2019, 24.kg
Чүй облусу боюнча ажылыкка катталган жарандардын саны 857ге жетти
Чүй облусу боюнча ажылыкка катталган жарандардын саны 857ге жетти. Бул тууралуу Муфтияттын басма сөз кызматы билдирди.
Маалыматка ылайык, ушул жылы ажылыкка бара тургандардын санын каттоо облустун 7 аймагында жүргүзүлүүдө.
«Каттоо иши кызуу жүрүүдө. Операторлор тынымсыз иш алып барып, облустук казыят тарабынан тыгыз көзөмөлдөнүүдө», — деди Чүй облусундагы ажыларды каттоо боюнча жоопту адис Алманбет ажы Суеркулов.
Эскерте кетсек, ажылыкка каттоо 31-январда аяктайт. Быйыл Сауд Арабия Падышачылыгынын ажылык министрлиги Кыргызстанга 5 510 квота бөлгөн.
0
