11:04, 25 января 2019, 24.kg
Кыргызстанга иштөө үчүн жылына 12 миңге жакын чет элдик жарандар келишет
Кыргызстанга жылына иштөө үчүн 12 миңге жакын чет элдик жарандар келишет. Бул тууралуу өкмөттүн отурумунда Миграция кызматынын төрагасы Болотбек Ибраимжанов билдирди.
Маалыматка караганда, 2016-жылы 12 миң 135 чет элдик жаран иштөөгө уруксат алган. 2017-жылы 12 миң 138, былтыр 12 миң 950 жаран келген.
«Иштөөгө уруксат берилгенден кийин бюджетке 265 миллион түштү», -деди Болотбек Ибраимжанов.
Ушул жылдын башында 187 чет элдик жаранга качкын статусу берилди. Алардын 87си Ооганстандан, 70и Сириядан, 19у Украинадан жана калгандары башка өлкөлөрдөн келишкен.
0
