17:16, 18 января 2019, 24.kg
Дүйшөмбүдө Бишкектеги 4 100 керектөөчү электр жарыгы жок калат
21-январь дүйшөмбүдө «Түндүк Электр» ААКсы Бишкектеги 4 100 керектөөчүнүн электр жарыгын төлөмдөрдү учурунда жүргүзбөгөндүгү үчүн өчүрөт. Бул тууралуу аталган мекемеден билдиришти.
Маалыматка караганда, 7,1 миллион сомдук төлөмдөр учурунда аткарылган эмес.
«Баардык абоненттерге электр жарыгына болгон төлөмдөрдү өз учурунда жүргүзүп турууну эскертебиз», — деп жазылат маалыматта.
Кошумчалай кетсек, тургундар учурунда акча төлөбөсө, жарык дистанциондук түрдө өчүрүлөт.
0
