17:55, 15 января 2019, 24.kg
Орловка шаарында белгисиз бирөөлөр тургунду темир союл менен сабашкан
Чүй облусуна караштуу Кемин районунун Орловка шаарында белгисиз бирөөлөр бир жаранды темир союл менен сабап кетишкен. Бул тууралуу ОИИБнын басма сөз кызматы билдирди.
Маалыматка ылайык, РИИБге Чүй районунун аймактык ооруканасына жаракаттары менен 29 жаштагы М.Ж. аттуу жаран кайрылгандыгы тууралуу билдирүү келип түшкөн. Ыкчам-тергөө тобу белгисиз бирөөлөр коомдук тартипти бузуп, 29 жаштагы жаранды эч бир себепсиз темир союл менен сабап кетишкендигин аныктады.
Жабырлануучу милицияга кылмышка шектүү адамдарга карата чараларды көрүүнү суранып, арыз жазган. Окуяга шектүү катары 34 жаштагы А.Н. жана Ч.Б аттуу Чүй облусунун тургундары кармалды.
0
