16:10, 24 декабря 2018, 24.kg
Аткезчилик. 1 жарым миң литр күйүүчү-майлоочу май аныкталды
17-декабрдан 24-декабрга чейин кыргыз-казак мамлекеттик чек арасынын аймагынан аткезчилик жол менен ташылып келген 1 жарым миң литр күйүүчү-майлоочу май аныкталды. Бул тууралуу Чек ара кызматынан билдиришти.
Маалыматка караганда, Казакстандан келген унааны текшерүү маалында жүк кармалды. Жүгү бар унаа жана айдоочу Экономикалык кылмыштуулукка каршы күрөшүүбоюнча мамлекеттик кызматтын аймактык бөлүмчөсүнө өткөрүлүп берилди.
Эске салсак, декабрдын башында дагы аткезчилик жолу менен ташылып келген 39 тонна күйүүчү-майлоочу май аныкталган.
0
