15:28, 24 декабря 2018, 24.kg
Азия өнүктүрүү банкы Кыргызстанга каражат бөлөт
Азия өнүктүрүү банкы калктын климаттык өзгөрүүлөргө жана кырсык коркунучтарына туруктуулугун бекемдөө максатында Кыргызстанга каражат бөлөт. Бул тууралуу Жогорку Кеӊештин Бюджет жана финансы боюнча комитетинин отурумунда маалым болду.
Маалым болгондой, долбоордун жалпы бюджети — 43,6 миллион доллар, Азия өнүктүрүү банкынын каражаты — 38,6 миллион доллар, анын ичинде гранттык каражат — 16,8 миллион доллар, жеӊилдетилген насыя каражаты — 21,8 миллион доллар.
Өкмөт долбоорго 5 миллион доллар кошот. Насыя 32 жылдык мөөнөткө 1 пайыз үстөгү менен берилүүдө.
0
