10:23, 10 декабря 2018, 24.kg
Польша кыргызстандык активисти киргизбей койду
Кыргызстандык активист Польшада өткөн эл аралык жыйынга катыша албай калды. Бул тууралуу MoveGreen экологиялык бейөкмөт уюмунун жетекчиси Мария Колесникова Facebook баракчасына жазды.
Аны жана дагы 14 активистти Варшавага учуп барганда кармап, «коомдук коопсуздукка коркунуч келтиресиңер» деген негизде өлкөгө киргизбей, кайра мекенине жөнөтүшкөн.
Бириккен Улуттар Уюмунун климатты өзгөртүү боюнча конференциясы (СОР24) Польшанын түштүгүндөгү Катовице шаарында өттү. Анда 2015-жылы Парижде кабыл алынган климаттык макулдашууну ишке ашыруу маселелери талкууланды. Негизги темалардын бири мөңгүлөргө байланыштуу болду.
0
