14:07, 06 декабря 2018, 24.kg
Пара менен кармалган министрдин орун басары италиялык компаниядан акча алган
Нарындын Эпкин — Баш-Кууган жолун оңдоого жарыяланган тендерди италиялык компания утуп алган. Бул тууралуу бүгүн журналисттерге Транспорт жана жол министри Жамшитбек Калиев билдирди.
Анын айтымында, компания учурда ишке киришүү алдында турат.
Белгилей кетсек, бүгүн Транспорт жана жол министринин орун басары Азимкан Жусубалиев 50 миң доллар пара менен кармалгандыгы белгилүү болду. УКМК чет элдик ишкананын тендерди утуп алуусу үчүн Азимкан Жусубалиев жалпысынан 520 миң доллар талап кылганын айтты.
0
