10:42, 03 декабря 2018, 24.kg
Жаңы жылдык балаты. Эң бийиги Ошто тургузулат
Кыргызстандагы жаңы жылдык балатылардын эң бийиги Ошто тургузулат. Бул тууралуу түштүк борбордун мэриясы билдирди.
Маалыматка караганда, балатыны орнотуу жана кооздоо иштерине бул жылы 1 миллион 400 миң сом каражат жумшалат.
«Быйыл арча кураштыруу жолу менен орнотулуп, аны кийинки жылы да пайдаланууга болот. Бюджетти үнөмдөө максатында ушундай иштер жүрүп жатат», -деп жазылат маалыматта.
Кошумчалай кетсек, балатынын бийикти 27 метрге жетет. Ал эми Бишкек шаарындагы балатынын бийиктиги 25 метрди түздү.
0
