09:26, 30 ноября 2018, 24.kg
Болот Шамшиевдин унаасын уурдаганга шектүү кишилер кармалды
Бишкек милициясы режиссер Болот Шамшиевдин унаасын уурдап кетүүгө шектүү кишилерди кармашты. Бул тууралуу Бишкек ШИИББдан билдиришти.
Эске салсак, буга чейин режиссер милицияга кайрылып, үйүндө токтоп турган «Мерседес Бенц Е-230» үлгүсүндөгү унаасын белгисиз адамдар уурдап кетишкенин айткан. Окуя 8-ноябрдан 9уна караган түнү болгон.
9-ноябрда Свердов РИИБнын кызматкерлери Ысык-Ата районунун Милянфан айылынан дөңгөлөктөрү жок өрттөлгөн унааны табышкан.
Оперативдүү-издөө иштеринин жүрүшүндө аталган кылмышка шектүүлөр кармалды. Алар 1994-жылы туулган Ш.К. жана 1993-жылы туулган Л.Ю. болуп чыкты.
0
