15:10, 14 ноября 2018, 24.kg
Кочкор-Чаек унаа жолундагы кырсыкта 4 киши жабыркады
Кочкор-Чаек унаа жолунун 12-чакырымында жол кырсыгы катталып, кесепетинен 4 киши жабыркады. Бул тууралуу Өзгөчө кырдаалдар министрлигинин басма сөз кызматы билдирет.
Маалыматка ылайык, «BMW» үлгүсүндөгү унаанын айдоочусу жолдун четиндеги даракты сүзгөн. Кесепетинен 4 киши ар кандай жаракаттарды алышып, райондук ооруканага жеткирилди.
ӨКМнын куткаруучулары окуя болгон жерге барып, унаада кыпчылып калган жүргүнчүлөрдү чыгарып, медициналык тез жардам кызматына өткөрүп беришкен.
0
