16:06, 13 ноября 2018, 24.kg
Кыргызстандын аймагында кылмыш кылган чет элдик жарандарды чыгаруу сунушталууда
Кыргызстандын өкмөтү «Сырткы миграция тууралуу» Мыйзамга өзгөртүү киргизүүнү депутаттардын кароосуна калтырды.
Ага ылайык, Кыргызстандын аймагында кылмыш кылган чет элдик жарандарды чыгаруу сунушталууда. Ошондой эле, аларга убактылуу же таптакыр Кыргызстанга кирүүгө тыюу салуу сунушталды.
Тыюу салуунун мөөнөтү 10 жыл болушу мүмкүн, тактап айтканда кылган кылмыш ишине жараша. ИИМдин башчысынын орун басары Курсан Асановдун айтымында, чет элдик жарандарды чыгаруу кийинки жылдан тарта ишке ашып калуусу мүмкүн.
Анын билдирүүсүндө, кылмыш кылган 360 чет элдик жаран бар. Аларды чыгаруу үчүн бюджеттен 2 миллиондон ашуун каражат каралмакчы.
0
