Президент менен Баткендин эң алыскы айылынан байланышты
MEGA уюлдук компаниясынын башкы директору президент Садыр Жапаров менен Баткен районунун эң алыскы Зардалы айылынан уюлдук байланыш аркылуу байланышты. Бул тууралуу президенттин басма сөз катчысы Аскат Алагөзов Фейсбук баракчасына билдирди.
Анын айтымында, буга чейин мамлекет башчы 29-сентябрда Зардалыга болгон иш сапарында MEGA компаниясына айыл менен уюлдук байланыш түзүүнү тапшырган.
«Айыл тургундары электр жарыгы менен бирге уюлдук байланышты орнотууну суранышты. Өз кезегинде президент президенттик аппараттын кызматкерлерине тиешелүү тапшырма берди. Бүгүн MEGA компаниясынын жетекчиси Элнар Субакожоев мамлекет башчыга уюлдук телефон аркылуу чалып, аткарылган иштер боюнча маалымат берди», — деп айтылат билдирүүдө.
MEGA уюлдук компаниясы 2G жана LTE (4G) стандартындагы эки базалык станция — үн байланышы жана мобилдик интернет орнотулганын билдирди. Бири Зардалы айылында, экинчиси Коргон чек ара заставасынын аймагында. BS күн панелдеринен кубатталган батарейкалар менен иштейт (MEGA да орнотулган). Бардык иштер MEGA мамлекеттик уюлдук операторунун эсебинен жүргүзүлдү. Спутник аркылуу байланыш түзүлөт.
