Жумгал районунан ата-баланы издөөгө 104 адам чыкты
Бүгүн, 30-октябрда Жумгал районунда бир кишини уулу менен издөөгө 104 адам чыгып, дрондор колдонулду. Бул тууралуу ӨКМдин басма сөз кызматы билдирди.
Эскерте кетсек, 19-октябрда Жумгал районунда 49 жаштагы эркек киши менен 9 жаштагы бала 16-октябрда жайлоого мал жайууга кетип, 19-октябрдан бери байланыша электиги тууралуу маалымат түшкөн. Ошондо апасы бийликтен уулу менен небересин табууга жардам берүүнү суранган. Президент Садыр Жапаров Жумгал районунун Өрнөк айылынын дайынсыз жоголгон тургундарын издөөнү күчөтүүнү тапшырды.
Өзгөчө кырдаалдар министрлигинен билдиришкендей, издөө иштери уланып, бүгүн, 30-октябрда дайынсыз жоголгондорду издөөгө 104 адам жана 9 дрон тартылган. Алардын ичинен 58и ӨКМнын 6 учкучсуз аппараты менен, 20 милиция кызматкери 3 учкучсуз аппараты менен, 26дан ашууну жергиликтүү тургундар болгон. Алардын бардыгы 20 топко бөлүнүп, аймакта издөө иштерин жүргүзүшөт.
