Орусияда кыргызстандык жаран адам өлтүрүүгө аракет кылган деп шектелүүдө
Орусиянын Химки шаарында таксист болуп иштеген кыргызстандык жаран жүргүнчүгө кол салган деп шектелүүдө. Бул тууралуу Орусиянын Тергөө комитетинин аймактык башкармалыгынын басма сөз кызматына шилтеме берүү менен жергиликтүү басылмалар жазып чыгышты.
Маалыматка ылайык, окуя 24-октябрда Москва облусунун Химки шаарында болгон. Эркек жүргүнчүнүн денесинин ар кайсы жерлерине отвертка менен кеминде төрт жолу урган. Жабырлануучу ооруканага жаткырылган.
Айдоочуга такси кардары жол киренин төлөөдөн баш тартканын айткан. Кардардын айтымында, таксист көрсөтүлгөн суммадан эки эсе көп сураган. Алардын ортосунда уруш чыгып, таксист жүргүнчүнү отвертка менен бир нече жолу урган.
КР жаранына карата «Адам өлтүрүүгө аракет кылуу» беренеси боюнча кылмыш иши козголду.
