ЖК депутаты Дастанбек Жумабеков шайлоону иш күндөрү өткөрүүнү сунуштады
Бүгүн, 22-октябрда Жогорку Кеңештин Конституциялык мыйзамдар, мамлекеттик түзүлүш, сот-укуктук маселелер жана регламент боюнча комитетинин жыйынында депутат Дастанбек Жумабеков шайлоону дем алыш күндөрү эмес, иш күндөрү өткөрүүнү сунуштады.
«Жарандар дем алыш күндөрүн жеке пландары үчүн колдонууну каалашат. Кээ бирөөлөр эс алууну кааласа, башкалары бизнес менен жүрөт. Шайлоону дем алыш күндөрүнө белгилөө шайлоочулардын аз келишинин бирден бир себеби болуп саналат. Балким, шайлоону иш күндөрү дайындоо керекпи? Жарандар эртең менен добуш берип, жумушка же түштөн кийин добуш бере алышат», — деди ал.
Дастанбек Жумабеков ошондой эле парламенттик шайлоодо № 2 форма боюнча добуш берген шайлоочулардын саны абдан көп болгонун белгиледи.
Борбордук шайлоо комиссиясынын төрайымы Нуржан Шайлдабекова аны колдоп, шайлоо шаршембиге белгиленген Түштүк Кореянын тажрыйбасын мисалга тартты.
