14:46, 17 октября 2024, 24.kg
Кыргызстандыктар коммерциялык банктардан 150 млрд сомдон ашык насыя алышкан
2024-жылдын январынан июнь айына чейин кыргызстандыктар коммерциялык банктардан 150 миллиард сомдон ашык насыя алышкан. Мындай маалыматты Улуттук статистикалык комитет билдирет.
Коммерциялык банктар 150 миллиард 56,4 миллион сом насыя бергени такталды. Бул өткөн жылдын ушул мезгилине салыштырмалуу 39 миллиард 850,9 миллион сомго (36,2 пайыз) көп.
Банктардан алынган кредиттердин негизги көлөмү соодага (21 млрд 567,7 млн сом), керектөөчүлөрдүн муктаждыктарына (7 млрд 354,3 млн сом), курулушка (2 млрд 661,6 млн сом) алынган. Кыргызстандыктар ипотека үчүн банктардан 2 миллиард 562,6 миллион сом алышкан.
0
