Тез жардам унаалары саламаттыкты сактоо уюмдарына өткөрүлүп берилди
Республиканын алыскы райондорундагы саламаттыкты сактоо уюмдарына тез жардам унаалары берилди. Ачкычтарды салтанаттуу тапшыруу аземи бүгун, 17-октябрда Турдакун Усубалиев атындагы аянтта өттү. Бул тууралуу Саламаттыкты сактоо министрлигинин басма сөз борбору билдирди.
КР Саламаттыкты сактоо министри Алымкадыр Бейшеналиев белгилегендей, президенттик фонддон бөлүнгөн 20 тез жардам унаасын саламаттыкты сактоо тармагына өткөрүү тез медициналык жардам көрсөтүүнүн натыйжалуулугун бир топ жакшыртат жана калк үчүн, өзгөчө алыскы өлкөнүн аймактарына жетүүсү жана оор аймактардагы медициналык кызматтардын жеткиликтүүлүгүн жогорулатат.
«Саламаттыкты сактоо тармагын бардык керектүү жабдыктар менен толук жабдылган тез жардам унаалары менен толуктоо республиканын алыскы жана жетүүгө кыйын аймактарынын тургундарына тез медициналык жардам көрсөтүүнүн жеткиликтүүлүгүн жакшыртат», — деди ал.
