Бишкекте жылуулук качан берилет? Мэриянын жообу
Бишкекте күн суук болуп, апта ичинде күндүн жылышы күтүлбөйт. Борбор калаанын тургундары жылуулук качан башталаарына кызыгып жатышат.
Мэрия жылуулукту беш күн катары менен абанын орточо температурасы +8 градус Цельсийден ашпаганда бере башташат деп жооп берди.
Кошумчалай кетсек, 2024-жылдын 1-июнунан тарта калкты жылуулук энергиясы жана ысык суу менен камсыздоого жаңы тарифтер киргизилген. Жаңы тариф боюнча жалпы аянты 80 чарчы метрге чейинки батирлердин жашоочулары эми энергияга 1 гигакалория үчүн 1 миң 560 сомдон, ал эми калган чарчы метрлер үчүн социалдык нормадан жогору, жылуулук энергиясынын деңгээлинде төлөшөт.
Жылуулук менен жабдуучу уюм тарабынан берилген төлөм эсеп-фактураларында жылуулук энергиясынын наркы өзүнчө сап катары көрсөтүлөт
Кошумчалай кетсек, буга чейин калк ысык суу үчүн 1 гигакалория үчүн 1 миң 120 сомдон төлөсө, киргизилген өзгөртүүлөрдөн кийин 1 миң 560 сомдон төлөшөт.
