12:07, 27 сентября 2024, 24.kg
Президенттик аппараттын жетекчисинин мурдагы орун басары эки айга камалды
Биринчи Май райондук соту президенттик аппараттын жетекчисинин мурдагы орун басары Алмамбет Салиевдин баш коргоо чарасын тандады.
Сот УКМКнын тергөөчүсүнүн камакка алуу түрүндөгү баш коргоо чарасын колдонуу өтүнүчүн канааттандырып, 2024-жылдын 4-ноябрына чейин СИЗОго камоо чечимин чыгарды. Алмамбет Салиевге КР Кылмыш-жаза кодексинин «Кызматтык абалынан кыянаттык менен пайдалануу» беренеси боюнча айып тагылууда.
Белгилүү болгондой, Алмамбет Салиев 24-сентябрда УКМК кызматкерлери тарабынан кармалган. Ал Сооронбай Жээнбековдун тушунда мамлекет башчынын аппарат жетекчисинин орун басары болуп иштеген.
0
