Садыр Жапаров Беларус менен Кореянын Кыргызстандагы жаңы элчилерин кабыл алды
Президент Садыр Жапаров бүгүн, 10-сентябрда Беларус менен Кореянын Кыргызстандагы жаңы элчилерин кабыл алды. Бул тууралуу президенттин маалымат кызматы билдирди.
Садыр Жапаров жалпысынан акыркы мезгилде Кыргызстан менен Беларустун ортосунда эки тараптуу мамилелер байкаларлык активдешип, чындап жакшы өнөктөштүк жана достук мамилелер өнүккөнүн баса белгиледи.
Сергей Молунов Беларус президенти Александр Лукашенко Кыргызстан менен эки тараптуу мамилелердин динамикалуу өнүгүп жатканын айтып, аларды «жаркын» деп белгиледи.
Элчи ошондой эле Кыргызстан менен Беларустун ортосунда жигердүү өнүгүп жаткан соода-экономикалык мамилелерге токтолуп, Беларус тарап тоо-кен өнөр жайы, энергетика жана транзиттик чөйрө сыяктуу маселелер боюнча Кыргызстан менен ар тараптуу билим жана тажрыйба алмашууга даяр экенин белгиледи.
Мамлекет башчысы Кореянын элчиси Ким Кванджени Кыргыз Республикасындагы дипломатиялык миссиясынын башталышы менен куттуктады. Ал белгилегендей, эки өлкөнүн ортосундагы 32 жыл мурун түзүлгөн дипломатиялык мамилелер элдердин достугунун салттарына, руханий жана маданий жакындыкка, ошондой эле өз ара пайдалуу кызматташуу принциптерине негизделген.
Ким Гванджэ Корея тарап өнөктөштүктү тереңдетүүгө кызыкдар экенине жана эки мамлекеттин ортосундагы өз ара аракеттенүү потенциалын кеңейтүү үчүн алдыңкы тажрыйба жана заманбап технологиялар менен бөлүшүүгө даяр экендигине токтолду.
