Шашылыш билдирүү! Кыргызстанда жаан жаап, сел жүрүшү мүмкүн
Кыргызстанда жаан жаап, сел жүрүшү мүмкүн. Бул тууралуу бүгүн, 9-сентябрда Кыргызгидромет борбору шашылыш билдирүү таратты.
Маалыматка ылайык, 9-10-сентябрда күтүлүп жаткан туруксуз аба ырайына жана нөшөрлүү жаан-чачынга байланыштуу Чүй, Ысык-Көл, Нарын, Ош, Жалал-Абад облустарынын тоолуу жана тоо этектериндеги райондорунда сел жүрүшү мүмкүн.
Сел коопсуздук эрежелерин сактаңыз!
— арыктарды тазалап, жээгин бекемдеңиз жана таштанды таштабаңыз;
— турак үй жайгашкан жерде жаан суулары — агып өтүүгө ылайыкталган арыктын болушун камсыздаңыз;
— үй же сарай салууда, эгин айдоодо сел жүрүү кооптуулугу бар тилкелерге жакын эместигине өзгөчө көңүл буруңуз;
— сел учурунда дароо коопсуз жайга кетиңиз;
— мүмкүнчүлүк болсо үйдөгү свет, суу, газды өчүрүп чыгыңыз.
