Окуу жылынын башталышы менен Бишкектеги ар бир каттамдарына автобустар кошулду
Борбор калаада бүгүн, 2-сентябрда Бишкек шаардык транспорт башкармалыгынын 1 миң 2 автобусу, мурда троллейбустар каттаган каттамдар боюнча 41 троллейбус жана 46 автобус, ошондой эле Жүргүнчүлөрдү ташуу бирикмеси муниципалдык ишканасынын 174 маршруттук кичиавтобустары жана «ЭКО» ЖЧКнын 124 автобусу каттамга чыкты. Мындай маалыматты Бишкек мэриясынан билдирди.
Маалыматка ылайык, жаңы окуу жылынын башталышына карата ар бир автобустук каттамга 2-3төн автобус кошулуп, алардын ортосундагы аралыктын кыскарып, жүргүнчүлөр агымынын көбөйүшү эске алынган.
Жол тыгындарын болтурбоо жана коомдук коопсуздукту камсыздоонун алкагында борбор калаадагы 114 мектепке патрулдук милиция кызматкерлери бекитилгенин мэриядан кошумчалашты. Соода жана базар комплекстеринин жанында 40 кызмат нөөмөттө турат. Жалпысынан 1 миңден ашык милиция кызматкерлери тартылган.
