Бүгүн Кыргызстандын мектептеринде жаңы окуу жылы башталды
Кыргызстандын билим берүү уюмдарында жаңы 2024/25-окуу жылы башталды. Бүгүн, 2-сентябрда мектептерде биринчи коңгуроо кагылат.
Билим берүү жана илим министрлигинен билдиришкендей, 1-4-класстар үчүн биринчи сабак «Билим — күч», 5-11-класстар үчүн «Азыркы кыргыз мамлекеттүүлүгүнүн түптөөчүлөрү» деген темада болот.
Окуучуларга билимдин мааниси, Кыргыз Республикасынын түптөлүшүнө залкар инсандардын кошкон салымы, Кара-Кыргыз Автономиялык облусунун азыркы Кыргыз мамлекеттүүлүгүнүн түптөлүшүндөгү мааниси жана 2024-жылы 100 жылдык мааракесин белгилөө тууралуу айтылат.
Республикада бардыгы болуп 2 миң 377 мектеп (анын ичинде 2 миң 173 мамлекеттик жана муниципалдык жана 204 жеке менчик) бар. Аларда 1,5 миллионго жакын студент бар.
Быйыл биринчи жолу 126 миңден ашык окуучулар 1-класста өз парталарында отурушат.
Мектептин билим берүү системасында 93 миң мугалим иштейт, миңден ашык бош орундар бар.
