Быйыл Улуттук банк валюта рыногунан 197,4 миллион доллар сатып алды
2024-жылдын башынан бери Кыргызстандын Улуттук банкынын чет өлкө валютасын таза сатып алуу көлөмү 197,4 миллион долларга жетти. Бул тууралуу Улуттук банктын Коммуникация жана эл аралык кызматташтык башкармалыгынын башчысы Аида Карабаева билдирди.
Анын айтымында, өлкөнүн валюта рыногунда кырдаал салыштырмалуу туруктуу бойдон калууда жана жыл башынан 27-августка чейин доллардын расмий курсу 4,35 пайызга төмөндөгөн.
Валюта курсунун өзгөрүүсүн текшилөө үчүн Улуттук банк 17 интервенция жүргүзгөн, анын ичинен 5 интервенция 149,9 миллион долларга чет өлкө валютасын сатууга жана 12 интервенция 347,35 миллион долларга долларды сатып алууга багытталган.
Аида Карабаева кошумчалагандай, каржылык жөнгө салуучу акча-кредит саясатынын инструменттерин колдонууну улантып, ички жана чет элдик валюта рыногундагы кырдаалга көз салып турат.
