09:59, 27 августа 2024, 24.kg
Академик Илгиз Айтматов дүйнө салды
Атактуу жазуучу Чыңгыз Айтматовдун бир тууган иниси, техника илимдеринин доктору, академик Илгиз Айтматов 27-августтун таңында 93 жашта дүйнө салды. Бул тууралуу академиктин жакындары билдиришти.
Илгиз Айтматов — тоо кен геомеханикасы боюнча белгилүү адис болгон. 1990-1993-жылдарда КР Улуттук илимдер академиясынын президенти болуп иштеген.
260тан ашык илимий эмгектин, 15 ойлоп табуунун автору. Тоолуу аймактарда чыңалуунун калдыгынын секирик түрүндө бошонуусу жөнүндө илимий ачылыш жасаган.
2003-жылы III даражадагы «Манас» ордени менен сыйланган.
0
