3 жаштагы бала БЧКдан 7 күндөн бери табыла элек. Ата-энеси президентке кайрылды
Ысык-Ата районунун Дружба айылындагы БЧКда изделип жаткан 3 жаштагы баланын ата-энеси бийликтен жана өлкө президенти Садыр Жапаровдон издөө иштерине жана каналдыгы сууну токтотууга жардам берүүнү суранат.
«Урматтуу Садыр Нуркожоевич, сизден үч жашар балабыздын сөөгүн табууга көмөк көрсөтүүңүздү суранабыз. Уулуңуздун сөөгүн табуу үчүн батыш БЧКны мүмкүн болушунча токтотуп берүүңүздөрдү суранабыз», — деди баланын атасы.
Эске сала кетсек, 19-августта милицияга 3 жаштагы баланын дайынсыз жоголгондугу тууралуу маалымат түшкөн. Андан кийин анын бут кийими БЧКнын жээгинен табылган. Видеодо баланын атасы уулун издөөгө жети күндөн бери Чүй каналынын жетекчилиги, милиция кызматкерлери жана Өзгөчө кырдаалдар министрлиги жардам берип, тилекке каршы, азырынча майнап чыкпаганын айтууда.
