Эгемендүүлүк майрамы. Ала-Тоо аянтында даярдык иштери кандай жүрүүдө?
Эгемендүүлүк майрамына бир жума калды. Быйыл негизги иш-чаралар Бишкекте өтөт. Программа азырынча жарыялана элек, бирок борбордук Ала-Тоо аянтына жаңы сахна орнотулууда.
Эгемендүүлүк күнүнө карата Бишкек мэриясы Ала-Тоо аянтын реконструкциялоону убада кылган. Жакында муниципалитет аянтка гүлдөр жана жаңы бак-дарактар отургузулуп, жаңы флагшток менен ардактуу кароолдун кабинасы орнотулганын көрсөттү.
24.kg басылмасынын журналисттери борбордук аянтта эмне болуп жатканын жакындан көрүп чыгышты.
«Илбирс» имаратынын сырткы келбети жаңыртылган. Эски кир айнектер алмаштырылып, мрамор дубалдары жуулуп, бир жерге жаңы плиталар орнотулат. Жаңы фонтандар орнотулуп, плиткалар алмаштырылып, бардык жерде гүлдөр отургузулмакчы. Аянтты кооздоп турган эбегейсиз чоң идиштеги туялар алынып салынды.
Реконструкциялоо иштери аягына чыга электигине карабастан, борбор кандай жасалгаланып жатканы азыртадан эле көздүн жоосун алат. Бирок, алдыда дагы көп иштердин көлөмү бар.
