Бишкектин бардык мектептери саат 7.30дагы окуу эрежесине өткөрүлбөйт
Бишкектин бардык мектептеринде саат 7.30дан сабакка өтүү пландалган эмес. Бул тууралуу борбор калаанын билим берүү башкармалыгынын өкүлдөрү бүгүн маалымат жыйынында билдиришти.
Аткаминерлердин айтымында, сабактарды эрте баштоого өткөрүүдө негизги маселе балдардын коопсуздугу эске алынган.
"Көптөгөн мектептерде, өзгөчө башталгыч класстарда үч нөөмөт менен окутулат. Акыркы нөөмөт кеч аяктап, балдар үйлөрүнө аман-эсен жетсин деп ушундай чечим кабыл алынган. Буга чейин мындай практика жасалган.103 мектептин 14ү саат 7.30да иштей баштаган. Сентябрь айынан баштап 44 мектеп иштейт, жалпысынан Бишкек шаарында 18 мектеп административдик-аймактык реформанын алкагында кошулган.
Алар ата-энелерге шаардын бир четинен экинчи четине каттап калбоо үчүн балдарын үйгө жакын жайгашкан микрорайондордогу мектептерге берүүнү айтышат.
Эске сала кетсек, Бишкек шаарында жайгашкан башталгыч, орто жана жогорку кесиптик билим берүүнүн мамлекеттик уюмдарында окуу сабактары саат 10.00дөн эрте башталбайт. Бул жолдордогу тыгын маселесин чечүү үчүн жасалууда.
