14:20, 14 августа 2024, 24.kg
Тамчыдагы аэропортко жакын жерде учкучсуз учак кулады
Алдын ала маалыматтар боюнча Ысык-Көл районунун Тамчы айылында аэропортко жакын жерде учкучсуз учуучу учак кулап түшкөн. Бул тууралуу 24.kg басылмасына укук коргоо органдарындагы булак билдирди.
Окуя 13-августта болгон.
«Аэропортко эч кимди киргизбей жатат. Кара түтүн каптады», — деп айтылат.
КР Өзгөчө кырдаалдар министрлигинин басма сөз кызматы 24.kg басылмасына маалымат такталып жатканын билдирди.
Кыргызстан сатып алган түрк өндүрүшүндөгү Байрактар учкучсуз учактары Тамчы аэропортунун аймагынан бир нече жолу байкалган.
0
