15:39, 12 августа 2024, 24.kg
Мурдагы милиция кызматкери жана ишкер Жалил Атамбаев кармалды
Мурдагы милиционер жана ишкер Жалил Атамбаев кармалды. Маалыматты 24.kg басылмасына Бишкек шаардык сотунан тастыкташты.
Маалыматка ылайык, ал 8-августта кармалып, баш калаанын № 1 тергөө абагына 4-сентябрга чейин камакка алынган. Ишкер уюшкан топторду жана кылмыштуу топторду каржылаган (КР Кылмыш-жаза кодексинин 263-беренеси) айыпталууда.
Эске сала кетсек, 2021-жылдын март айында УКМК мурдагы милиция кызматкери, азыркы ишкер Жалил Атамбаевге бир нече кылмыш ишин козгогон. Тергөөнүн версиясы боюнча, ал милиционер кезинде ишкерлик менен алектенип, 100 миллион сомдон ашык кыймылсыз мүлк сатып алган. Жалил Атамбаев тергөө менен келишим түзүп, депозиттик эсепке 100 миллион сом которгон.
0
