17:46, 01 августа 2024, 24.kg
Пакистандагы селден 35 адам каза болду
Пакистандын түндүгүндө нөшөрлөп жааган жамгырдан улам пайда болгон селден соңку 48 саатта кеминде 35 адам каза болду. Бул тууралуу чет элдик басылмалар жазууда.
Маалыматка ылайык, Хайбер-Пахтунхва провинциясында нөшөрлөп жааган жамгырдан улам болгон суу ташкындары аймактагы үйлөр менен көпүрөлөргө олуттуу зыян келтиргенин жергиликтүү бийлик билдирди.
Аймакта нөшөрлөп жааган жамгыр да жер көчкүгө алып келгени белгиленди. Мындан тышкары штаттын ар кайсы аймактарында нөшөрлөп жааган жамгырдан улам болгон кырсыктардан 15 адам жабыркады.
Пакистандын метеорологиялык департаменти 2-августтан 6-августка чейин өлкө боюнча нөшөрлөгөн жамгыр жана сел болорун эскертти.
0
